ആലക്കോട്: ഇരു വൃക്കകളും തകരാറിലായ ആദിവാസി യുവാവ് ഉദാരമതികളുടെ സഹായം തേടുന്നു. നടുവില്‍ പഞ്ചായത്തിലെ വെള്ളാട് നറുക്കുംകര കോളനിയിയിലെ ചപ്പിലി മനോജ് (35) എന്ന യുവാവാണ് ഗുരുതരാവസ്ഥയില്‍ കഴിയുന്നത്.
കൂലിപ്പണിയെടുത്ത് കുടുംബം പുലര്‍ത്തിയിരുന്ന മനോജിന്റെ വൃക്കകള്‍ രണ്ടു മാസം മുമ്പാണ് തകരാറിലായത്. ഭാര്യ സുജാത കൂലിപ്പണിയെടുത്താണ് പ്രായമായ മതാപിതാക്കളേയും പറക്കമുറ്റാത്ത മൂന്നു പെണ്മക്കളെയും പോറ്റുന്നത്. കേരളത്തിലെയും കര്‍ണാടകയിലെയും വിവിധ ആശുപത്രികളില്‍ ചികിത്സിച്ചെങ്കിലും വൃക്ക മാറ്റി വയ്ക്കാതെ തരമില്ലെന്നായി. ഇതിനു ലക്ഷങ്ങള്‍ ചിലവുവരും. 20 സെന്റ് സ്ഥലവും ഏതു സമയവും ഇടിഞ്ഞു വീഴാവുന്ന വീടും മാത്രമാണ് ഈ കുടുംബത്തിന്റെ ഏക സമ്പാദ്യം. മനോജിന്റെ ചികിത്സയ്ക്കായി വാര്‍ഡ് മെമ്പര്‍ എന്‍.യു അബ്ദുല്ല ചെയര്‍മാനായും ഇ.കെ നാരായണന്‍ കണ്‍വീനറായും കമ്മിറ്റി രൂപീകരിച്ച് പ്രവര്‍ത്തിച്ചു വരുന്നു.
കരുവഞ്ചാല്‍ എസ്.ബി.ടി ശാഖയില്‍ മനോജ് ചപ്പിലി ചികിത്സാ സഹായ കമ്മിറ്റിയുടെ പേരില്‍ 67372217752 നമ്പര്‍ അക്കൗണ്ടു തുടങ്ങിയിട്ടുണ്ട്.