HOME
DETAILS

നാദാപുരത്ത് കള്ളവോട്ട് നടന്നതായി യു.ഡി.എഫ്; സ്ഥാനാര്‍ഥിയെ ബൂത്തുകളില്‍ തടഞ്ഞെന്നും ആരോപണം

  
backup
April 06 2021 | 09:04 AM

udf-accuses-fake-vite-in-nadapuram-2021

കോഴിക്കോട്: നാദാപുരത്ത് കള്ളവോട്ട് ആരോപണവുമായി യു.ഡി.എഫ് സ്ഥാനാര്‍ഥി പ്രവീണ്‍ കുമാര്‍.10ാം നമ്പര്‍ ബൂത്തിലെ 286ാം ക്രമനമ്പര്‍ ആയിഷയുടെ വോട്ട് മറ്റൊരാള്‍ ചെയ്‌തെന്നാണ് ആരോപണം. ഇക്കാര്യം ചൂണ്ടിക്കാട്ടി പ്രവീണ്‍ കുമാര്‍ ജില്ലാ കലക്ടര്‍ക്ക് പരാതി നല്‍കി.

മണ്ഡലത്തിലെ വിവിധ ബൂത്തുകളിള്‍ സന്ദര്‍ശിക്കുന്നിടെ സി.പി.എം പ്രവര്‍ത്തകര്‍ തന്നെ തടഞ്ഞെന്നും പ്രവീണ്‍ കുമാര്‍ ആരോപിച്ചു. 177ാം നമ്പര്‍ ബൂത്തിലാണ് യു.ഡി.എഫ് സ്ഥാനാര്‍ഥിയെ എല്‍ഡിഎഫ് പ്രവര്‍ത്തകര്‍ തടഞ്ഞതായി ആരോപണം ഉയര്‍ന്നിരിക്കുന്നത്.

നാദാപുരത്ത് ആറായിരത്തിലേറെ ഇരട്ടവോട്ടുകളുണ്ടെന്ന് നേരത്തെ യു.ഡി.എഫ് ആരോപിച്ചിരുന്നു. പ്രതിപക്ഷ നേതാവ് രമേശ് ചെന്നിത്തല പുറത്തു വിട്ട ഇരട്ടവോട്ടര്‍മാരുടെ പട്ടികയില്‍ ഏറ്റവും കൂടുതല്‍ പേരുള്ളത് നാദാപുരം മണ്ഡലത്തില്‍ നിന്നാണ്. കണ്ണൂരിലെ ആന്തൂരിലും യു.ഡി.എഫ് സ്ഥാനാര്‍ഥിയെ തടഞ്ഞതായി പരാതി ഉയര്‍ന്നിട്ടുണ്ട്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."