ചെന്നൈ: തമിഴ്‌നാട് ഈറോഡ് ഉപതെരഞ്ഞെടുപ്പില്‍ കോണ്‍ഗ്രസ്-ഡി.എം.കെ സ്ഥാനാര്‍ഥിക്ക് പിന്തുണ പ്രഖ്യാപിച്ച് കമല്‍ഹാസന്‍. ഡി.എം.കെ. സഖ്യത്തില്‍ മത്സരിക്കുന്ന കോണ്‍ഗ്രസ് സ്ഥാനാര്‍ഥി ഇ.വി.കെ.എസ്. ഇളങ്കോവന്റെ വിജയത്തിനായി പ്രവര്‍ത്തിക്കുമെന്നാണ് കമല്‍ഹാസന്‍ അറിയിച്ചിരിക്കുന്നത്.

കമല്‍ഹാസനോട് നന്ദിയറിയിക്കുന്നതായി തമിഴ്‌നാട് മുഖ്യമന്ത്രി എം.കെ. സ്റ്റാലിന്‍ പ്രതികരിക്കുകയും ചെയ്തു.

അതേസമയം അടുത്ത ലോക്‌സഭ തെരഞ്ഞെടുപ്പിലെ സഖ്യത്തെ കുറിച്ച് ഇപ്പോള്‍ പറയാനാകില്ലെന്ന് കമല്‍ഹാസന്‍ പറഞ്ഞു. കോണ്‍ഗ്രസ് സംസ്ഥാന അധ്യക്ഷനും ഈറോഡിലെ സ്ഥാനാര്‍ഥിയുമായ ഇളങ്കോവനുമായി കൂടിക്കാഴ്ച നടത്തിയതിന് ശേഷമാണ് കമല്‍ഹാസന്‍ പിന്തുണ അറിയിച്ചിരിക്കുന്നത്.
കോണ്‍ഗ്രസ് ദേശീയ നേതൃത്വവുമായും കമല്‍ ഹാസന്‍ ചില രാഷ്ട്രീയ ചര്‍ച്ചകള്‍ നടത്തിയിട്ടുണ്ട്.