എടവണ്ണപ്പാറ: രണ്ടര പതിറ്റാണ്ടു കാലം സമസ്തയുടെ അധ്യക്ഷനായിരുന്ന റഈസുല്‍ മുഹഖിഖീന്‍ കണ്ണിയത്ത് ഉസ്താദിന്റെ നാമധേയത്തില്‍ വാഴക്കാടു തുടക്കം കുറിക്കുന്ന ശരീഅത്ത് കോളജ് ഇന്നു വൈകുന്നേരം നാലിനു സമസ്ത ട്രഷറര്‍ സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ ഉദ്ഘാടനം ചെയ്യും. ഉസ്താദിന്റെ പേരില്‍ വാഴക്കാട് പ്രവര്‍ത്തിക്കുന്ന ഇസ്‌ലാമിക് സെന്ററിനു കീഴിലാണു ശരീഅത്ത് കോളജ് ആരംഭിക്കുന്നത്. സമസ്ത ലീഗല്‍ സെല്‍ കണ്‍വീനര്‍ പി.എ ജബ്ബാര്‍ ഹാജി അധ്യക്ഷനാകും. സമസ്ത വിദ്യാഭ്യാസ ബോര്‍ഡ് മാനേജര്‍ കെ.മോയിന്‍കുട്ടി മാസ്റ്റര്‍,ആസിഫ് ദാരിമി പുളിക്കല്‍, സയ്യിദ് കുഞ്ഞിസീതിക്കോയ തങ്ങള്‍, സയ്യിദ് ബി.എസ്.കെ തങ്ങള്‍ തുടങ്ങിയവര്‍ പങ്കെടുക്കും.