കോഴിക്കോട്: ഇന്ത്യയിലെ പ്രമുഖ വിദ്യാഭ്യാസ കമ്പനിയായ എജ്യുകോംപ് സൊല്യൂഷന്‍സിന്റെ ആഭിമുഖ്യത്തില്‍ കോഴിക്കോട്ട് വിദ്യാഭ്യാസ വികസന സ്‌കൂള്‍ കോണ്‍ക്ലേവ് നടന്നു. ഹോട്ടല്‍ താജ് ഗേറ്റ്‌വേയില്‍  നടന്ന കോണ്‍ക്ലേവില്‍ കോഴിക്കോട്ടെ 50-ലേറെ പ്രമുഖ സ്‌കൂളുകളിലെ പ്രിന്‍സിപ്പല്‍മാര്‍ പങ്കെടുത്തു.
ശാസ്ത്ര, ഗണിത വിഷയങ്ങള്‍ മികച്ച രീതിയില്‍ കൈകാര്യം ചെയ്യുന്നതിനും അതിന്റെ ഫലം വിലയിരുത്തുന്നതിനും സഹായകമായ അന്തരീക്ഷം സൃഷ്ടിക്കാന്‍ കഴിയുന്ന പുതിയ സാങ്കേതികവിദ്യ കോണ്‍ക്ലേവില്‍ പങ്കെടുത്തവര്‍ക്ക് പരിചയപ്പെടുത്തി.
നൂതന പഠനപ്രക്രിയയില്‍ എജ്യുകോംപിന്റെ ഏറ്റവും പുതിയ സംഭാവനയായ സ്മാര്‍ട്ട്‌സ്റ്റെമിനെ കുറിച്ചറിയാനും കോണ്‍ക്ലേവ് സ്‌കൂള്‍ അധികൃതര്‍ക്ക് അവസരമൊരുക്കി. പുത്തന്‍ അധ്യാപന സംവിധാനങ്ങളും സാങ്കേതികവിദ്യയും സ്‌കൂളുകള്‍ക്ക് പരിചയപ്പെടുത്താന്‍ ലക്ഷ്യമിട്ടാണ് എജ്യുകോംപ് സ്‌കൂള്‍ കോണ്‍ക്ലേവുകള്‍ സംഘടിപ്പിക്കുന്നതെന്ന് എജ്യുകോംപ് സൊല്യൂഷന്‍സ് റീജ്യണല്‍ സി.ഇ.ഒ എം.ആര്‍. കൃഷ്ണമൂര്‍ത്തി പറഞ്ഞു. കേരള ബിസിനസ് ഹെഡ് രോഹിണിയും ചടങ്ങില്‍ സംബന്ധിച്ചു.