HOME
DETAILS

'വിവാഹ മോചനത്തിന് മുസ്‌ലിം സ്ത്രീകള്‍ സമീപിക്കേണ്ടത് ശരീഅത്ത് കൗണ്‍സിലുകളെയല്ല, കുടുംബ കോടതികളെ' മദ്രാസ് ഹൈക്കോടതി

  
backup
February 02 2023 | 06:02 AM

national-muslim-women-can-approach-only-family-court-for-divorce

ചെന്നൈ: ഖുല്‍അ് വഴി വിവാഹമോചനത്തിന് മുസ്‌ലിം സ്ത്രീകള്‍ ശരീഅത്ത് കൗണ്‍സില്‍ പോലുള്ള സ്വകാര്യ സംവിധാനങ്ങളെയല്ല, കുടുംബ കോടതികളെസമീപിക്കണമെന്ന് മദ്രാസ് ഹൈക്കോടതി. ഖുല്‍അ് വഴി വിവാഹമോചനം പ്രഖ്യാപിക്കാനോ സാക്ഷ്യപ്പെടുത്താനോ സ്വകാര്യ സ്ഥാപനങ്ങള്‍ക്ക് കഴിയില്ലെന്നും കോടതി വ്യക്തമാക്കി.

ശരീഅത്ത് കൗണ്‍സിലുകള്‍ കോടതികളോ തര്‍ക്കങ്ങളിലെ മധ്യസ്ഥരോ അല്ല. ഇത്തരം സ്ഥാപനങ്ങള്‍ നല്‍കുന്ന സര്‍ട്ടിഫിക്കറ്റുകള്‍ അസാധുവാണെന്നും കോടതി ചൂണ്ടിക്കാട്ടി.

ഇസ്‌ലാമില്‍ സ്ത്രീക്ക് വിവാഹമോചനം ചെയ്യാന്‍ സാധിക്കുന്ന ഒരു പ്രക്രിയയാണ് ഖുല്‍അ്. വിവാഹമൂല്യമായി വരന്‍ നല്‍കിയ മഹര്‍ തിരികെ നല്‍കിയാണ് ഇത് സാധ്യമാകുന്നത്.

ഭാര്യക്ക് ശരീഅത്ത് കൗണ്‍സില്‍ നല്‍കിയ ഖുല്‍അ് സര്‍ട്ടിഫിക്കറ്റ് റദ്ദാക്കണമെന്നാവശ്യപ്പെട്ട് ഒരു വ്യക്തി നല്‍കിയ റിട്ട് ഹരജിയിലാണ് കോടതിയുടെ വിധി. ജസ്റ്റിസ് സി. ശരവണനാണ് വിധി പ്രഖ്യാപിച്ചത്. 2017 ല്‍ തമിഴ്‌നാട് തൗഹീദ് ജമാഅത്ത് ശരീഅത്ത് കൗണ്‍സില്‍ നല്‍കിയ സര്‍ട്ടിഫിക്കറ്റ് കോടതി റദ്ദാക്കുകയും ചെയ്തു. തര്‍ക്കങ്ങള്‍ പരിഹരിക്കാന്‍ തമിഴ്‌നാട് ലീഗല്‍ സര്‍വീസസ് അതോറിറ്റിയെയോ കുടുംബകോടതിയെയോ സമീപിക്കാന്‍ ഹരജിക്കാരനോടും ഭാര്യയോടും ഹൈക്കോടതി നിര്‍ദേശിച്ചു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."