എടക്കര: ബൈക്കിനു പിന്നില്‍ നായയെ കെട്ടിവലിച്ച് യുവാവിന്റെ ക്രൂരത. മലപ്പുറം എടക്കരയിലാണു സംഭവം. നായയെ ഇരുചക്രവാഹനത്തിന്റെ പിറകില്‍ കെട്ടിയിട്ട് വാഹനം ഓടിക്കുകയായിരുന്നു. വീഡിയോ ഇപ്പോള്‍ സമൂഹമാധ്യമങ്ങളില്‍ നിറഞ്ഞുനില്‍ക്കുകയാണ്.സേവിയര്‍ എന്നയാളാണ് നായയെ സകൂട്ടറില്‍ കെട്ടിവലിച്ചത്. സേവ്യര്‍ വല്‍സമ്മയുടേതാണ് സകൂട്ടര്‍.

ബൈക്കിന് ഒപ്പമെത്താന്‍ കിണഞ്ഞ് പരിശ്രമിക്കുന്ന നായയെ കണ്ട് നാട്ടുകാര്‍ ഇവര്‍ക്ക് പുറകെ പോയിരുന്നു. എന്നാല്‍ ആദ്യം ബൈക്ക് നിര്‍ത്താന്‍ ആവശ്യപ്പെട്ടിട്ടും അവഗണിക്കുകയായിരുന്നെന്ന് നാട്ടുകാര്‍ പറഞ്ഞു.
പെരുങ്കുളം മുതല്‍ മുസ്ല്യാരങ്ങാടി വരെ മൂന്ന് കിലോമീറ്ററോളം ദൂരമാണ് നായയെ കെട്ടിവലിച്ചത്.
നായയെ ഉപേക്ഷിക്കാന്‍ കൊണ്ടുപോയതെന്നാണ് സൂചന. ബൈക്കിനു പിന്നില്‍നിന്ന് നായയെ കെട്ടഴിക്കുന്ന രംഗവും വീഡിയോയിലുണ്ട്. നായയ്ക്ക് പരുക്കേറ്റിട്ടുണ്ട്. 

[video width="1280" height="720" mp4="https://suprabhaatham.com/wp-content/uploads/2021/04/WhatsApp-Video-2021-04-17-at-6.07.17-PM.mp4"][/video]