കണ്ണൂര്‍: ചിലയിടങ്ങളില്‍ കോണ്‍ഗ്രസിന് ബി.ജെ.പിയെ തോല്‍പിക്കാന്‍ കഴിയും. എന്നാല്‍ ബദല്‍ രൂപീകരിക്കാന് കെല്‍പില്ലാത്ത പാര്‍ട്ടിയായി കോണ്‍ഗ്രസ് മാറിയെന്നും സി.പി.എം പോളിറ്റ് ബ്യൂറോ അംഗം എം എ ബേബി. കോണ്‍ഗ്രസുമായി രാഷ്ട്രീയ മുന്നണിയോ കൂട്ടുകെട്ടോ രൂപീകരിക്കാനാകില്ലെന്ന് എം.എ ബേബി പറഞ്ഞതായും മീഡിയ വണ്‍ റിപ്പോര്‍ട്ട് ചെയ്യുന്നു.

കോണ്‍ഗ്രസ് വര്‍ഗീയ പാര്‍ട്ടി അല്ല. അധികാരത്തിന് വേണ്ടി വര്‍ഗീയതയെ ഉപയോഗിക്കുന്നവരാണ്. ബി.ജെ.പിയെ തോല്‍പിക്കാന്‍ പങ്കുവഹിക്കാനുള്ള ശേഷി കോണ്‍ഗ്രസിന് കുറയുകയാണ്. ഓരോ സംസ്ഥാനത്തെയും രാഷ്ട്രീയ സാഹചര്യമനുസരിച്ച് അടവുനയം രൂപീകരിക്കും. കേരളത്തില്‍ മത്സരിച്ചത് രാഹുല്‍ ഗാന്ധിയുടെ മണ്ടത്തരമാണെന്നും എം എ ബേബി വിമര്‍ശിച്ചു.