കൊച്ചി: ബ്ലാസ്റ്റേഴ്‌സ് ആരാധകര്‍ കേള്‍ക്കാന്‍ കൊതിച്ച സന്തോഷ വാര്‍ത്ത പുറത്തുവിട്ടു. വരുന്ന ഐ.എസ്.എല്‍ സീസണില്‍ കേരളത്തിന്റെ എല്ലാ ഹോം മത്സരങ്ങള്‍ക്കും കൊച്ചി വേദിയാകും. ഉദ്ഘാടനമത്സരത്തിന് വേദിയാകുന്നതും കൊച്ചിയിലെ ജവഹര്‍ലാല്‍ നെഹ്‌റു സ്റ്റേഡിയമായിരിക്കും.

ജി.സി.ഡി.എയും കേരള ബ്ലാസ്റ്റേഴ്‌സും സംയുക്തമായി പുറത്തിറക്കിയ വാര്‍ത്താക്കുറിപ്പിലാണ് ഇക്കാര്യം വ്യക്തമാക്കിയത്. കോവിഡ് വ്യാപനത്തെ തുടര്‍ന്ന് കഴിഞ്ഞ രണ്ട് സീസണുകളിലും കേരളത്തിന് കൊച്ചിയില്‍ ഹോം മത്സരങ്ങള്‍ കളിക്കാന്‍ അവസരം ലഭിച്ചിരുന്നില്ല. ആരാധകരും ഇതില്‍ നിരാശരായിരുന്നു.