അബ്ദുസ്സലാം കൂടരഞ്ഞി
മക്ക
ഈ വർഷത്തെ ഹാജിമാരിൽ ഏറ്റവും വലിയ ശതമാനവും രാജ്യത്തിന് പുറത്ത് നിന്ന് വരുന്ന തീർഥാടകർക്ക് ആയിരിക്കുമെന്ന് ഹജ്ജ്, ഉംറ മന്ത്രാലയം സ്ഥിരീകരിച്ചു.
'കൊവിഡ്' മഹാമാരിയുടെ സാഹചര്യങ്ങൾ കാരണം കഴിഞ്ഞ രണ്ട് വർഷമായി ഹജ്ജ് നിർവഹിക്കാൻ വിദേശ രാജ്യങ്ങളിൽ നിന്നുള്ളവർക്ക് സാധിച്ചിരുന്നില്ല. ഇത് കണക്കിലെടുത്താണ് വിദേശത്തുള്ള തീർഥാടകർക്ക് ഏറ്റവും വലിയ വിഹിതം അനുവദിക്കുന്നതെന്ന് ഹജ്ജ്, ഉംറ സേവനങ്ങൾക്കായുള്ള അസിസ്റ്റന്റ് അണ്ടർസെക്രട്ടറി എൻജിനിയർ ഹിഷാം സയീദ് പറഞ്ഞു.
ഹജ്ജ് നിർവഹിക്കുന്നതിൽ നിന്ന് ഒരു രാജ്യത്തെയും ഒഴിവാക്കില്ലെന്നും ലോകത്തെ എല്ലാ രാജ്യങ്ങളിൽ നിന്നുമുള്ള ആചാരങ്ങൾ അനുഷ്ഠിക്കാനും കർമങ്ങൾ ചെയ്യാനും ആഗ്രഹിക്കുന്ന എല്ലാ വിശ്വാസികളെയും സഊദി പതിവുപോലെ സ്വാഗതം ചെയ്യുന്നതായും അൽ അറേബ്യ ചാനലിന് നൽകിയ അഭിമുഖത്തിൽ അദ്ദേഹം വിശദീകരിച്ചു.
രാജ്യങ്ങൾ തമ്മിലുള്ള ക്വാട്ടയും തീർഥാടകരുടെ എണ്ണവും അനുപാതത്തിന്റെയും തത്വമനുസരിച്ചാണ് ചെയ്യുന്നത്.
വിവിധ രാജ്യങ്ങൾക്കുള്ള ഈ ക്വാട്ടകൾ നിർണ്ണയിക്കാൻ സഊദി പ്രവർത്തിച്ചു വരികയാണ്.
പുണ്യസ്ഥലങ്ങൾക്ക് നിയമപരവും സമയപരിധിയും ഉണ്ട്.
ഒരു പ്രത്യേക സമയത്തും സ്ഥലത്തും മാത്രമാണ് ഹജ്ജിന്റെ കർമങ്ങൾ നിർവഹിക്കേണ്ടത്. അതുകൊണ്ടാണ് ആരോഗ്യസ്ഥിതികൾ പൂർത്തിയാക്കുമ്പോഴും ക്വാട്ടകൾ നിശ്ചയിക്കുന്നതിലും ഇതേ തത്വം തുടരുന്നതെന്നും അദ്ദേഹം പറഞ്ഞു.