കൊച്ചി: നടിയെ ആക്രമിച്ച കേസില്‍ സാക്ഷിയായ മഞ്ജു വാര്യരെ വീണ്ടും വിസ്തരിക്കുന്നത് തടയണമെന്ന് കേസില്‍ പ്രതിയായ നടന്‍ ദിലീപ്. ഇതിനുവേണ്ടി പ്രോസിക്യൂഷന്‍ ഹാജരാക്കുന്ന തെളിവുകള്‍ വ്യാജമാണെന്നും ദിലീപ് ആരോപിക്കുന്നു. അതേ സമയം കാവ്യ മാധവന്റെ മാതാപിതാക്കളെ വിസ്തരിക്കുന്നതിനെതിരേയും ദിലീപ് രംഗത്തെത്തി. വിചാരണ നീട്ടിക്കൊണ്ടു പോകുകയാണ് ഉദ്ദേശം. അതിനാണ് കാവ്യയുടെ മാതാപിതാക്കളെ വിസ്തരിക്കുന്നതെന്നും സുപ്രിംകോടതിയില്‍ ദിലീപ് സമര്‍പ്പിച്ച സത്യവാങ്മൂലത്തില്‍ ആരോപിക്കുന്നു.
കേസിലെ പ്രധാന സാക്ഷികളെ പ്രോസിക്യൂക്ഷന്‍ വീണ്ടും വിസ്തരിക്കുന്നുണ്ട്. ഇതിന്റെ ഭാഗമായി 16ന് മഞ്ജുവാര്യരെ വിസ്തരിക്കാനിരിക്കെയാണ് അതിനെതിരേ ദിലീപ് രംഗത്തെത്തിയിരിക്കുന്നത്.