ബംഗളുരു: ബംഗളുരുവില്‍ നടക്കുന്ന എയ്‌റോ ഇന്ത്യ 2023ല്‍ പ്രദര്‍ശിപ്പിച്ച പരിശീലന വിമാനത്തില്‍ വീണ്ടും ഹനുമാന്‍ സ്റ്റിക്കര്‍. ഹിന്ദുസ്ഥാന്‍ എയ്‌റോനോട്ടിക്‌സ് ലിമിറ്റഡ്( എച്ച്.എ.എല്‍) നിര്‍മിച്ച എച്ച്.എല്‍.എഫ്.ടി -42 വിന്റെ പൂര്‍ണ സ്‌കെയില്‍ മോഡലിലാണ് ഹനുമാന്റെ ചിത്രം വീണ്ടും പതിച്ചത്.

പരിപാടിയുടെ തുടക്കത്തില്‍ വിമാനത്തില്‍ ഹനുമാന്റെ ചിത്രം പതിച്ചത് വിവാദമായതോടെ കമ്പനി ഇത് നീക്കം ചെയ്തിരുന്നു. പ്രതിരോധ പ്രദര്‍ശനത്തില്‍ ദൈവങ്ങളുടേയും മതചിഹ്നങ്ങളുടേയും ചിത്രം പതിപ്പിച്ചതിനെതിരെ പലരും രംഗത്തെത്തിയിരുന്നു. എന്നാല്‍ അവസാന ദിവസമായ ഫെബ്രുവരി 17 ന് വീണ്ടും ചിത്രം പതിക്കുകയായിരുന്നു.

കൊടുങ്കാറ്റ് വരുന്നു എന്ന അര്‍ഥമുള്ള എന്ന വാചകവും ഹനുമാന്റെ ചിത്രത്തിനു താഴെ പതിച്ചിട്ടുണ്ട്.

ഫെബ്രുവരി 13 ന് പ്രധാനമന്ത്രി നരേന്ദ്രമോദിയാണ് എയ്‌റോ ഷോ ഉദ്ഘാടനം ചെയ്തത്.