കോഴിക്കോട്: ഒന്‍പതാം ക്ലാസുകാരിയെ ലഹരിക്കെണിയില്‍ പെടുത്തിയ സംഭവത്തില്‍ ഒരാള്‍ അറസ്റ്റില്‍. കുറ്റിക്കാട്ടൂര്‍ സ്വദേശി ബോണി ആണ് പിടിയിലായത്. ഇയാളെ കഴിഞ്ഞ ദിവസം പൊലിസ് കസ്റ്റഡിയില്‍ എടുത്തിരുന്നു. വിശദമായ ചോദ്യം ചെയ്യലിന് ശേഷം അറസ്റ്റ് രേഖപ്പെടുത്തുകയായിരുന്നു.

സംഭവത്തില്‍ അഞ്ച് പേര്‍ക്കെതിരെയാണ് പൊലിസ് കേസെടുത്തത്. ഒരാള്‍ പെണ്‍കുട്ടിയുടെ അയല്‍വാസിയാണ്. ഇന്‍സ്റ്റഗ്രാം വഴിയായിരുന്നു ഇടപാടുകള്‍. ഇന്റര്‍നെറ്റ് വഴി ലഹരി ഉപയോഗിക്കാനും ഈ സംഘം പെണ്‍കുട്ടിയെ പഠിപ്പിച്ചു. ഏഴാം ക്ലാസ് മുതല്‍ ലഹരി വസ്തുക്കള്‍ ഉപയോഗിക്കുന്നുണ്ടെന്നാണ് പെണ്‍കുട്ടി പോലീസിന് നല്‍കിയിരിക്കുന്ന മൊഴി.