റിയാദ്: സഊദി അറേബ്യയിലെ ഈ വര്‍ഷത്തെ ചെറിയ പെരുന്നാള്‍ അവധി പ്രഖ്യാപിച്ചു. സ്‌കൂളുകള്‍ക്കും സര്‍വ്വകലാ ശാലകള്‍ക്കും ഏപ്രില്‍ 21 മുതല്‍ അവധി നല്‍കണമെന്ന് സല്‍മാന്‍ രാജാവ് ഉത്തരവിട്ടു. ഏപ്രില്‍ 21 വ്യാഴമായിരിക്കും അവസാന പ്രവൃത്തി ദിവസം.

സ്വകാര്യ മേഖലകളില്‍ ഏപ്രില്‍ 30 ശനിയാഴ്ച അഥവാ റമളാന്‍ 29 ആയിരിക്കും അവസാന പ്രവൃത്തി ദിനം. മെയ് 1 ഞായര്‍ മുതല്‍ ആരംഭിക്കുന്ന അവധി 4 ദിവസം നീണ്ട് നില്‍ക്കും. മെയ് 5 വ്യഴാഴ്ച വീണ്ടും പ്രവൃത്തി ദിനമായിരിക്കും. മാനവ വിഭവശേഷി മന്ത്രലയത്തിന്റേതാണ് പ്രഖ്യാപനം.

തൊഴില്‍ വ്യവസ്ഥയുടെ എക്‌സിക്യൂട്ടീവ് റെഗുലേഷനുകളുടെ ആര്‍ട്ടിക്കിള്‍ 24 ലെ രണ്ടാം ഖണ്ഡികയില്‍ പറഞ്ഞിരിക്കുന്നത് തൊഴിലുടമ പാലിക്കണമെന്ന് മന്ത്രാലയം ഓര്‍മ്മപ്പെടുത്തി.