സഊദി: പന്ത്രണ്ടു വയസുള്ള മകന്‍ ഓടിച്ച കാര്‍ ഇടിച്ച് 65 വയസുള്ള പിതാവ് മരിച്ചു. സഊദി അറേബ്യയിലെ നജ്‌റാനിലാണ് സംഭവം. പിക്‌നിക്കിനിടെ കാര്‍ ഓടിക്കുന്നത് മകനെ പിതാവ് പഠിപ്പിക്കുകയായിരുന്നു. ഇതിനിടെയാണ് നിയന്ത്രണം വിട്ടു കാറിടിച്ചത്. പരുക്കേറ്റയാള്‍ക്ക് അധികം വൈകാതെ ഹൃദയസ്തംഭനം സംഭവിച്ചു.

ഉടനെ കിംഗ് ഖാലിദ് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. കിംഗ് ഫഹദ് പാര്‍ക്കിലാണ് കുടുംബം പിക്‌നിക്കിന് പോയത്. പിതാവിന്റെ പരിശീലനത്തെ തുടര്‍ന്ന് കുട്ടി ഒറ്റയ്ക്ക് കാര്‍ ഡ്രൈവ് ചെയ്തിരുന്നു. എന്നാല്‍ അല്‍പസമയത്തിന് ശേഷം കാറിന്റെ നിയന്ത്രണം നഷ്ടമാകുകയും പിതാവിനെ കാറിടിക്കുകയുമായിരുന്നു.