കഴക്കൂട്ടം: ഇടവേളക്ക് ശേഷം കെറെയില്‍ കല്ലിടല്‍ പുനരാരംഭിച്ചതിന് പിന്നാലെ പ്രതിഷേധവും ശക്തം. കഴക്കൂട്ടം കരിച്ചാറയില്‍ കല്ലിടാനെത്തിയ ഉദ്യോഗസ്ഥരെ നാട്ടുകാര്‍ തടഞ്ഞു. സമരക്കാരെ പൊലിസ് ചവിട്ടി വീഴ്ത്തി. നാട്ടുകാരോടൊപ്പം കോണ്‍ഗ്രസ് പ്രവര്‍ത്തകരും പ്രതിഷേധിക്കാനെത്തി. പ്രതിഷേധത്തിന് പിന്നാലെ കല്ലിടല്‍ തല്‍ക്കാലമായി നിര്‍ത്തി വെച്ചു.

കഴിഞ്ഞ ദിവസം മുഖ്യമന്ത്രിയുടെ അദ്ധ്യക്ഷതയില്‍ കെ റെയില്‍ വിശദീകരണ യോഗം തലസ്ഥാനത്ത് സംഘടിപ്പിച്ചിരുന്നു. അതിന് പിന്നാലെയാണ് കല്ലിടല്‍ പുനരാരംഭിച്ചത്. കഴിഞ്ഞ മാര്‍ച്ച് അവസാനത്തോട് കൂടിയാണ് നാട്ടുകാരുടെ പ്രതിഷേധത്തെ തുടര്‍ന്ന് കരിച്ചാറയില്‍ കല്ലിടല്‍ താല്‍ക്കാലികമായി നിര്‍ത്തിവെച്ചിരുന്നത്.