ജിദ്ദ: ജിദ്ദയിൽ നിന്നും മദീനയിലേക്ക് പോയ ബസ് മദീനയിൽ നിന്നും നൂറ് കിലോമീറ്റർ ദൂരെ വെച്ച് അപകടം സംഭവിച്ചു 8 പേർ മരണപ്പെട്ടു. അപകടത്തിൽ നിരവധി പേർക്ക് പരിക്ക് പറ്റിയിട്ടുണ്ട്. ഇന്ന് രാവിലെയാണ് അപകടം സംഭവിച്ചത്. മരണപ്പെട്ടവർ ഏത് രാജ്യക്കാരാണെന്ന് അധികൃതർ പുറത്ത് വിട്ടിട്ടില്ല.

ജിദ്ദയിൽ നിന്നും മലയാളികളുടെ നേതൃത്വത്തിൽ മദീന സിയാറ ഗ്രൂപ്പ്‌ സംഘടിപ്പിക്കാറുണ്ട്. വിവിധ സംഘടനകളും സ്ഥാപനങ്ങളും വ്യാഴാഴ്‌ചകളിലും മറ്റു ദിവസങ്ങളിലും സിയാറ ഗ്രൂപ്പ്‌ സംഘടിപ്പിക്കാറുണ്ട്. എന്നാൽ ഇപ്പോൾ അപകടത്തിൽ പെട്ടവർ ഈജിപ്ത്, സുഡാൻ തുടങ്ങിയ രാജ്യക്കാരാണെന്നാണ് ലഭിക്കുന്ന വിവരം. അപകടത്തെപ്പറ്റി കൂടുതൽ വിവരങ്ങൾ അറിവായിട്ടില്ല.