തിരുവനന്തപുരം: ഖേലോ ഇന്ത്യ സൗത്ത് സോണ്‍ വിമന്‍സ് സൈക്ലിങ് ലീഗില്‍ കേരളത്തിന്റെ കുതിപ്പ് തുടരുന്നു. ട്രാക്കിലെ മത്സരങ്ങള്‍ അവസാനിച്ചപ്പോള്‍ ഏഴ് സ്വര്‍ണ്ണത്തോടെ കേരളം രണ്ടാം സ്ഥാനത്താണ്.

അഗ്‌സ ആന്‍ തോമസിന്റെ ട്രിപ്പിള്‍ സ്വര്‍ണ്ണ നേട്ടമാണ് കേരളത്തിന് കരുത്തായത്. നിയാ സെബാസ്റ്റ്യനും സ്‌നേഹ കെയും കേരളത്തിന് വേണ്ടി ഇരട്ട സ്വര്‍ണം സ്വന്തമാക്കി. 8 സ്വര്‍ണ്ണം നേടിയ തമിഴ്‌നാടാണ് ഒന്നാം സ്ഥാനത്ത്.

സ്‌പോര്‍ട്‌സ് അതോറിറ്റി ഓഫ് ഇന്ത്യയും സൈക്ലിങ് ഫെഡറേഷന്‍ ഓഫ് ഇന്ത്യയും കേരള സൈക്ലിങ് അസോസിയേഷനും സംയുക്തമായാണ് മത്സരങ്ങള്‍ സംഘടിപ്പിക്കുന്നത്. റോഡ് സൈക്ലിങ് മത്സരങ്ങള്‍ ശനിയാഴ്ച്ച ആരംഭിക്കും. ഞായറാഴ്ചയാണ് സൗത്ത് സോണ്‍ വിമന്‍സ് ലീഗ് സൈക്ലിങ് മത്സരങ്ങള്‍ സമാപിക്കുക.