കോഴിക്കോട്: സുപ്രിം കോടതി വിധിയുടെ പശ്ചാത്തലത്തില്‍ സംവരണത്തിന്റെ അടിസ്ഥാനമാനദണ്ഡങ്ങളും വ്യവസ്ഥകളും കാറ്റില്‍ പറത്തി കേരളത്തില്‍ ധൃതി പിടിച്ച് നടപ്പിലാക്കിയ 10 ശതമാനം സാമ്പത്തിക സംവരണം റദ്ദ് ചെയ്യണമെന്ന് സമസ്ത സംവരണ സംരക്ഷണ സമിതി സംസ്ഥാന കമ്മിറ്റി ആവശ്യപ്പെട്ടു.

സംവരണത്തിന്റെ അടിസ്ഥാന മാനദണ്ഡം സാമ്പത്തികം മാത്രമായി പരിഗണിച്ചും വ്യക്തമായ പഠനങ്ങളോ കണക്കുകളോ ഇല്ലാതെയുമാണ് സാമ്പത്തിക സംവരണം കേരളത്തില്‍ അടിച്ചേല്‍പിച്ചത്.
മുന്നാക്ക സംവരണത്തിന് നിശ്ചയിക്കപ്പെട്ട മാനദണ്ഡങ്ങള്‍ സംവരണമെന്ന ആശയത്തെ തന്നെ പരിഹസിക്കും വിധത്തിലാണെന്ന് യോഗം അഭിപ്രായപ്പെട്ടു.

പ്രസിഡന്റ് ഡോ.എന്‍.എ.എം അബ്ദുല്‍ ഖാദര്‍ അധ്യക്ഷത വഹിച്ചു.ജനറല്‍ സെക്രട്ടരി മുസ്തഫ മുണ്ടുപാറ സ്വാഗതം പറഞ്ഞു.
അബ്ദുല്‍ ഹമീദ് ഫൈസി അമ്പലക്കടവ്, അബ്ദുസമദ് പൂക്കോട്ടൂര്‍, കെ.മോയിന്‍കുട്ടി മാസ്റ്റര്‍, നാസര്‍ ഫൈസി കൂടത്തായി, സത്താര്‍ പന്തലൂര്‍, അഡ്വ. ത്വയ്യിബ് ഹുദവി പ്രസംഗിച്ചു.