കടയ്ക്കല്‍ (കൊല്ലം): സിനിമ- സീരിയല്‍ നടനും ഡബ്ബിങ് ആര്‍ട്ടിസ്റ്റുമായിരുന്ന തിരുവനന്തപുരം ശിവപങ്കജത്തില്‍ ശരണ്‍ ബാബു(40) അന്തരിച്ചു. പനി ബാധിച്ച് ചിതറയിലെ വാടകവീട്ടില്‍ വിശ്രമത്തിലായിരുന്ന ശരണ്‍ രാവിലെ കുഴഞ്ഞ് വീഴുകയായിരുന്നു.
ഉടന്‍തന്നെ കടയ്ക്കല്‍ താലൂക്കാശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. 'ചിത്രം' ഉള്‍പ്പെടെ നാല് സിനിമകളിലും നിരവധി സീരിയലുകളില്‍ ഡബ്ബിങ് ആര്‍ട്ടിസ്റ്റായും പ്രവര്‍ത്തിച്ചിരുന്നു.
ചിത്രത്തില്‍ നായകനായ മോഹന്‍ലാലിന്റെ സുഹൃത്തിന്റെ വേഷമായിരുന്നു. കടയ്ക്കല്‍ താലൂക്ക് ആശുപത്രിയില്‍ സൂക്ഷിച്ചിരുന്ന മൃതദേഹം കൊവിഡ് പരിശോധനയ്ക്ക് ശേഷം ബന്ധുക്കള്‍ക്ക് വിട്ടുനല്‍കും. സുജയാണ് ഭാര്യ. അച്ചിത് ശരണ്‍, അര്‍ജ്ജുന്‍ ശരണ്‍ എന്നിവര്‍ മക്കളാണ്. ഇന്ന് ഉച്ചയ്ക്ക് തിരുവനന്തപുരം ശാന്തികവാടത്തിലാണ് സംസ്‌കാരം.