കണ്ണൂര്‍: കണ്ണൂര്‍ ചാലയില്‍ വീണ്ടും ടാങ്കര്‍ ലോറി മറിഞ്ഞു വാതകച്ചോര്‍ച്ച. ചാല െൈബപ്പാസിലാണ് അപകടം. വാതകചോര്‍ച്ചയുണ്ടായതിനാല്‍ പ്രദേശത്തെ താമസക്കാരെയെല്ലാം ഒഴിപ്പിക്കുകയാണ്. കൂടുതല്‍ വിവരങ്ങള്‍ അറിവായിട്ടില്ല.
2012 ഓഗസ്റ്റ് 27-നു രാത്രിയാണ് മംഗലാപുരത്ത് നിന്നും കോഴിക്കോടേക്ക് പാചക വാതകം കയറ്റിവന്ന ബുള്ളറ്റ് ടാങ്കര്‍ ലോറി ഇവിടെ മറിഞ്ഞ് വന്‍ ദുരന്തമുണ്ടായത്. കണ്ണൂര്‍ കൂത്തുപറമ്പ് റോഡിലുള്ള ചാല സാധു ജംഗ്ഷനില്‍ ഡിവൈഡറില്‍ തട്ടി മറിഞ്ഞ് പൊട്ടിത്തെറിച്ചത്.

സ്ത്രീകളും കുട്ടികളുമുള്‍പ്പെടെ 20 പേര്‍ ദുരന്തത്തില്‍ മരിച്ചു. അഞ്ചുവീടുകള്‍ പൂര്‍ണമായും കത്തിനശിച്ചു. മുപ്പതോളം വീടുകള്‍ക്ക് കേടുപറ്റി. 60 ലേറെ പേര്‍ക്ക് പരുക്കേറ്റിരുന്നു.