കോഴിക്കോട്: കുറ്റിക്കാട്ടൂരില്‍ ജലവിതരണ പൈപ്പ് പൊട്ടി. കൂളിമാട് പമ്പ് ഹൗസില്‍ നിന്നുള്ള പൈപ്പാണ് പൊട്ടിയത്. നഗരത്തിലെ പ്രധാനപ്പെട്ടയിടങ്ങളിലേക്കും വെള്ളമെത്തിക്കുന്ന പൈപ്പുകളിലൊന്നാണ് പൊട്ടിയത്. കോഴിക്കോട് മെഡിക്കല്‍ കോളജ് ആശുപത്രി മുതല്‍ പലയിടത്തും ജലവിതരണം മുടങ്ങാന്‍ സാധ്യതയുള്ളതിനാല്‍ സബ് പൈപ്പ് ലൈന്‍ വഴി കൂടുതല്‍ പമ്പിങ് നടത്തി കുടിവെള്ളം മുടങ്ങാതിരിക്കാന്‍ വേണ്ട നടപടികള്‍ സ്വീകരിക്കുമെന്ന് വാട്ടര്‍ അതോറിറ്റി അറിയിച്ചു.

പൈപ്പ് പൊട്ടിയതിനെത്തുടര്‍ന്ന് റോഡില്‍ വലിയ ഗര്‍ത്തം രൂപപ്പെട്ടു. തുടര്‍ന്ന് ഏറെ നേരം ഗതാഗതം തടസ്സപ്പെട്ടതായും നാട്ടുകാര്‍ പറഞ്ഞു.