ദുബൈ: സമസ്ത കേരള ഇസ്‍ലാം മത വിദ്യഭ്യാസ ബോർഡിന് കീഴിൽ യു.എ.ഇ. യിൽ പ്രവർത്തിക്കുന്ന മദ്രസ്സകളിലെ അഞ്ച്, ഏഴ്, പത്ത്, പ്ലസ് ടു. ക്ലാസ്സുകളിലെ പൊതു പരീക്ഷ ഈ മാസം 10,11 തിയ്യതികളിൽ നടക്കും. യു.എ.ഇ യിലെ എല്ലാ എമിറേറ്റുകളിലുമായി പതിനെട്ടു സെന്ററുകളിൽ രണ്ടായിരത്തോളം വിദ്യാർഥികൾ പരീക്ഷയെഴുതും. ഒരുക്കങ്ങൾ പൂർത്തിയായതായി പരീക്ഷയുടെ ചുമതലയുള്ള സൂപ്രണ്ട് പി. പി. ഇബ്‌റാഹിം ഫൈസി അറിയിച്ചു.

പരീക്ഷ ചോദ്യ പേപ്പർ വിതരണവും സൂപ്പർവൈസർമാർക്കുള്ള പരിശീലനവും മാർച്ച് ഒൻപതിന് വ്യാഴാഴ്ച വൈകുന്നേരം 4 മണിക്ക് ദുബൈ ദേരയിലുള്ള സുന്നി സെന്റർ ഓഫീസിൽ നടക്കുമെന്ന് യു.എ.ഇ. റൈഞ്ച് ജംഇയ്യത്തുൽ മുഅല്ലിമീൻ പ്രസിഡന്റ് മൊയ്‌തീൻ കുട്ടി ഫൈസി അച്ചൂർ, ജന സെക്രട്ടറി റഷീദ് ദാരിമി, പരീക്ഷ ബേർഡ് ചെയർമാൻ പി. പി. ഇബ്‌റാഹിം ഫൈസി ഇർഫാനി എന്നിവർ അറിയിച്ചു.