ഹൈദരാബാദ്: ഐ.എസ്.എല്ലിലെ അവസാന ലീഗ് മത്സരത്തിനായി കേരള ബ്ലാസ്റ്റേഴ്‌സ് ഇന്ന് കളത്തിലിറങ്ങുന്നു. എവേ മത്സരത്തിൽ ഹൈദരാബാദ് എഫ്.സിയെയാണ് ബ്ലാസ്റ്റേഴ്‌സ് നേരിടുന്നത്. നേരത്തെ തന്നെ പ്ലേ ഓഫ് ഉറപ്പിച്ചതിനാൽ ഇന്നത്തെ മത്സരത്തിൽ ബ്ലാസ്റ്റേഴ്സ‌ിന് സമ്മർദങ്ങളില്ലാതെ കളിക്കാനാകും.

പട്ടികയിൽ അവസാന സ്ഥാനത്തുള്ള ഹൈദരാബാദിനെതിരേ വിജയത്തോടെ സീസണിലെ ഗ്രൂപ്പ് മത്സരം പൂർത്തിയാക്കാൻ കഴിയുമെന്ന പ്രതീക്ഷയിലാണ് ഇവാൻ വുകമനോവിച്ചും സംഘവും. ഇന്ന് രാത്രി 7.30നാണ് മത്സരം.