ലഖ്‌നോ: കാറിനുള്ളില്‍ കുടുങ്ങി ശ്വാസംമുട്ടി നാലും കുട്ടികള്‍ മരിച്ചു. വീട്ടുമുറ്റത്ത് നിര്‍ത്തിയിട്ട കാറിനുള്ളില്‍ കളിക്കാന്‍ വേണ്ടി കയറിയ കുട്ടികള്‍ക്കാണ് ദാരുണാന്ത്യം. ഉത്തര്‍പ്രദേശിലെ ഭാഗ്പതിലെ ചാന്ദിനഗറിലാണ് സംഭവം.

വീടിന് പുറത്ത് നിര്‍ത്തിയിട്ടിരുന്ന കാറില്‍ കയറിയിരുന്ന് അയല്‍വാസികളായ അഞ്ചുകുട്ടികള്‍ കളിക്കുകയായിരുന്നു. ഇതിനിടെ കാര്‍ ഓട്ടോലോക്കായി.

പിന്നാലെ ശ്വാസം ലഭിക്കാതെ നാലു കുട്ടികള്‍ സംഭവസ്ഥലത്തുവച്ചുതന്നെ മരിച്ചു. ഒരാളെ ഗുരുതരാവസ്ഥയില്‍ ആശുപത്രിയില്‍ പ്രവേശിപ്പിച്ചു. പൊലിസ് അന്വേഷണം തുടങ്ങി.