കൊല്ലം: പുനലൂരില്‍ കല്ലടയാറ്റില്‍ മൂന്നുപേരെ മരിച്ച നിലയില്‍ കണ്ടെത്തി. ഒരു സ്ത്രീയുടേയും രണ്ട് കുട്ടികളുടേയും മൃതദേഹങ്ങളാണ് കണ്ടെത്തിയത്. അമ്മയും മക്കളുമാണ് മരിച്ചതെന്നാണ് സംശയം. മരിച്ചവരെ തിരിച്ചറിഞ്ഞിട്ടില്ല.

ബുധനാഴ്ച്ച ഉച്ചയോടെയാണ് മൃതദേഹങ്ങള്‍ കണ്ടെത്തിയത്. ഉച്ചയ്ക്ക് ഒന്നരയോടെ ഒരുസ്ത്രീയും ഒരു ആണ്‍കുട്ടിയും പെണ്‍കുട്ടിയും വിജനമായസ്ഥലത്തുകൂടെ നടന്നുപോകുന്നത് നാട്ടുകാര്‍ കണ്ടിരുന്നു. പിന്നീട് ഇവരെ കാണാതായതോടെ സംശയം തോന്നിയ നാട്ടുകാര്‍ നടത്തിയ തെരച്ചിലിലാണ് മൃതദേങ്ങള്‍ കണ്ടത്. യുവതിക്ക് ഏകദേശം 30 വയസ് പ്രായമുണ്ടെന്നാണ് നിഗമനം. എട്ടും അഞ്ചും വയസ് പ്രായം തോന്നിക്കുന്ന കുട്ടികളുടെ മൃതദേഹങ്ങളാണ് കൂടെയുള്ളത്. മൃതദേഹങ്ങള്‍ പുനലൂര്‍ താലൂക്ക് ആശുപത്രി മോര്‍ച്ചറിയിലേക്ക് മാറ്റി.