ആലപ്പുഴ: ആലപ്പുഴ ഭരണിക്കാവില്‍ മദ്യലഹരിയിലായിരുന്ന മകന്‍ അമ്മയെ കഴുത്തുഞെരിച്ച് കൊലപ്പെടുത്തി. കുറത്തിയാട് പുത്തന്‍ത്തറയില്‍ രമ മോഹനാണ് (65) കൊല്ലപ്പെട്ടത്. സംഭവത്തില്‍ മകന്‍ മിഥുന്‍ മോഹനെ പൊലിസ് അറസ്റ്റ് ചെയ്തു.

മദ്യം വാങ്ങാനുള്ള പണത്തിനായി അമ്മയെ സമീപിച്ചപ്പോള്‍ അവര്‍ വിസമ്മതിച്ചതാണ് പ്രകോപനമുണ്ടാക്കിയത്. രമയെ കഴുത്തുഞെരിച്ച് കൊലപ്പെടുത്തിയ ശേഷം മിഥുന്‍ പുറത്തുപോയി. മൂത്ത മകന് വീട്ടിലെത്തിയപ്പോഴാണ് അമ്മ മരിച്ചുകിടക്കുന്നത് കണ്ടത്. ഉടനെ പൊലിസില്‍ വിവരമറിയിച്ചു.

പണത്തിനായി മിഥുനും പിതാവും രമയെ നിരന്തരമായി ഉപദ്രവിക്കാറുണ്ടായിരുന്നതായി അയല്‍വാസികള്‍ പറഞ്ഞു.