കോഴിക്കോട്: എസ്.എസ്.എല്‍.സി ആദ്യ പരീക്ഷയെഴുതി സന്തോഷത്തോടെ വിദ്യാര്‍ത്ഥികള്‍. ആദ്യദിനം കുഴപ്പിച്ചില്ലെന്നാണ് ഭൂരിപക്ഷത്തിന്റേയും പ്രതികരണം. നാലു ലക്ഷത്തിധികം കുട്ടികളാണ് ഇത്തവണ പരീക്ഷയെഴുന്നത്.

മുന്‍വര്‍ഷത്തെ അപേക്ഷിച്ച് പരീക്ഷാര്‍ത്ഥികളുടെ എണ്ണത്തില്‍ കുറവുണ്ടായിട്ടുണ്ട്. 2,960 പരീക്ഷാ കേന്ദ്രങ്ങളിലായി 4,19,362 വിദ്യാര്‍ഥികളാണ് പരീക്ഷ എഴുതുന്നത്. ഗള്‍ഫില്‍ 518പേരും ലക്ഷദ്വീപില്‍ 289 പേരും പരീക്ഷ എഴുതും.

രാവിലെ 9.30 മുതല്‍11.15 വരെയാണ് പരീക്ഷാ സമയം. ഭാഷാ വിഷയങ്ങളുടെ പരീക്ഷ ആദ്യം നടക്കും. ഗണിത ശാസ്ത്രം, സോഷ്യല്‍ സയന്‍സ് എന്നീ വിഷയങ്ങള്‍ക്ക് 12.15 വരെയാണ് സമയം.

വേനല്‍ ചൂട് കണക്കിലെടുത്ത് വിദ്യാര്‍ത്ഥികള്‍ക്ക് സ്‌കൂളുകളില്‍ കുടിവെള്ളം ഉറപ്പാക്കിയിട്ടുണ്ട്. മാര്‍ച്ച് 29 നാണ് എസ്എസ്എല്‍സി പരീക്ഷ അവസാനിക്കുന്നത്. ഹയര്‍സെക്കന്‍ഡറി, വിഎച്ച്എസ്ഇ പരീക്ഷകള്‍ വെള്ളിയാഴ്ച തുടങ്ങും.