കോഴിക്കോട്: പതിനഞ്ചുവയസുകാരിയെ പീഡിപ്പിച്ച കേസില്‍ പ്രതിയായ യുവതി രണ്ട് മാസത്തിന് ശേഷം അറസ്റ്റില്‍. വിദേശത്തുനിന്ന് നാട്ടിലെത്തിയപ്പോഴാണ് എലത്തൂര്‍ ചെറുകുളം ജസ്‌ന (22) യെ ചേവായൂര്‍ പൊലീസ് അറസ്റ്റ് ചെയ്തത്. ജസ്‌ന പീഡിപ്പിച്ചതായുള്ള പതിനഞ്ചുകാരിയുടെ പരാതിയില്‍ ഡിസംബര്‍ 29ന് പൊലീസ് കേസെടുത്തിരുന്നു.

ഇതിന് പിന്നാലെ രണ്ട് മാസമായി ഇവര്‍ ഒളിവിലായിരുന്നു. രണ്ടുദിവസംമുമ്പാണ് ഇവര്‍ നാട്ടിലെത്തിയതായി പൊലീസിന് വിവരം ലഭിച്ചത്. വൈദ്യപരിശോധനയ്ക്കുശേഷം ജസ്‌നയെ കോടതിയില്‍ ഹാജരാക്കി 14 ദിവസത്തേക്ക് റിമാന്‍ഡ് ചെയ്തു.

എസ്.ഐ. വിനയന്റെ നേതൃത്വത്തില്‍ സിവില്‍ പൊലീസ് ഓഫീസര്‍മാരായ ശ്രീരാജ്, മഞ്ജു എന്നിവരാണ് പ്രതിയെ അറസ്റ്റ് ചെയ്തത്.