ഷാർജ: ഷാർജ ഇൻഡസ്ട്രിയൽ ഏരിയയിൽ തീപിടുത്തം. ഇൻഡസ്ട്രിയൽ ഏരിയ 7-ൽ ഗോഡൗണിനാണ് തീപിടിച്ചത്. രാവിലെ 10.42ന് ഉണ്ടായ തീപിടിത്തത്തിൽ ആളപായം റിപ്പോർട്ട് ചെയ്തിട്ടില്ല. ഷാർജ സിവിൽ ഡിഫൻസിലെ അഗ്നിരക്ഷാ സേനാംഗങ്ങൾ സ്ഥലത്തെത്തി 30 മിനിറ്റിനുള്ളിൽ തീ നിയന്ത്രണ വിധേയമാക്കി.

തീപിടിത്തത്തിൽ ഗോഡൗണിലെ ലോഹങ്ങളും മറ്റും കത്തിനശിച്ചു. തീപിടിത്തത്തിന്‍റെ കാരണം കണ്ടെത്തുന്നതിനായി കൂടുതൽ അന്വേഷണത്തിന് സ്ഥലം ഫോറൻസിക് വിദഗ്ധർക്ക് കൈമാറി.