മസ്‌കത്ത് :ഈദ് അവധി ദിവസങ്ങള്‍ ആഘോഷിക്കാന്‍ ഒമാനിലെത്തിയ മലയാളി നഴ്‌സ് വാഹനാപകടത്തില്‍ മരിച്ചു.ആലപ്പുഴ കായം കുളം ചേപ്പാട് സ്വദേശിനി പള്ളി തെക്കേതില്‍ ഷീബ മേരി തോമസ് (33) ആണ് മരിച്ചത്.ഞായറാഴ്ച്ച പുലര്‍ച്ചെ ഹൈമയില്‍ വെച്ചായിരുന്നു അപകടം.

ഏഴ് പേരടങ്ങുന്ന രണ്ട് കുടുംബങ്ങളായിരുന്നു വാഹനത്തില്‍ ഉണ്ടായിരുന്നത്.ഇവര്‍ സഞ്ചരിച്ചിരുന്ന വാഹനം ഹൈമക്കടുത്ത് വെച്ച് മറിയുകയായിരുന്നു.
അപകടത്തില്‍ ഗുരുതരമായി പരുക്കേറ്റ രണ്ട് പേരെ നിസ്‌വ ആശുപത്രിയിലേക്ക് മാറ്റി.

മൃതദേഹം ഹൈമ ആശുപത്രിയില്‍ സൂക്ഷിച്ചിരിക്കുകയാണ്.രാജു സജിമോന്‍ ആണ് ഭര്‍ത്താവ്. പിതാവ് തോമസ്, മാതാവ് മറിയാമ്മ.