കൊച്ചി: അന്തരിച്ച മുന്‍ ഡെപ്യൂട്ടി സ്പീക്കര്‍ കെ.എം ഹംസക്കുഞ്ഞിക്ക്(86) യാത്രാമൊഴി. കൊച്ചി മുന്‍ മേയറുമായിരുന്ന അദ്ദേഹം മട്ടാഞ്ചേരി നിയോജകമണ്ഡലത്തില്‍ നിന്നും മുസ്ലിം ലീഗ് സ്ഥാനാര്‍ഥിയായി ജയിച്ച് എം.എല്‍.എ ആയ അദ്ദേഹം ഏഴാം നിയമസഭയിലാണ് ഡെപ്യൂട്ടി സ്പീക്കര്‍ ആയത്.
കെ.എം ഹംസക്കുഞ്ഞിന്റെ നിര്യാണത്തില്‍ മുഖ്യമന്ത്രി പിണറായി വിജയന്‍ അനുശോചിച്ചു. സഭയില്‍ തൊഴിലാളികളുടെ പ്രശ്‌നങ്ങള്‍ ശ്രദ്ധയില്‍ കൊണ്ടുവന്ന സാമാജികനായിരുന്നു അദ്ദേഹമെന്ന് മുഖ്യമന്ത്രി അനുസ്മരിച്ചു.

1973ലാണ് കൊച്ചി കോര്‍പറേഷന്റെ മേയറായത്. പിന്നീട് കൗണ്‍സിലര്‍ ആയി. വാര്‍ധക്യസഹജമായ അസുഖത്തെ തുടര്‍ന്ന് വീട്ടില്‍ വിശ്രമത്തിലായിരുന്നു. മുന്‍ ദാറുല്‍ സലാം പള്ളി പ്രസിഡന്റായിരുന്നു.