അങ്കാറ
മൂന്നു ഗിന്നസ് റെക്കോഡുകൾ കൂടി സ്വന്തമാക്കി ലോകത്തെ ഏറ്റവും ഉയരക്കാരിയായ റുമൈസ ഗിൽജി. ജീവിച്ചിരിക്കുന്ന വ്യക്തിയുടെ (സ്ത്രീ) ഏറ്റവും നീളമുള്ള കൈവിരൽ, (11.2 സെ.മീ), ജീവിച്ചിരിക്കുന്ന വ്യക്തിയുടെ (സ്ത്രീ) ഏറ്റവും വലിയ കൈകൾ (വലത് കൈ 24.93 സെന്റീമീറ്റർ, ഇടത് കൈ 24.26 സെ.മീ), ജീവിച്ചിരിക്കുന്ന വ്യക്തിയുടെ (സ്ത്രീ) ഏറ്റവും നീളമേറിയ മുതുക് (59.90 സെ.മീ) എന്നീ റെക്കോർഡുകളാണ് റുമൈസ അധികമായി സ്വന്തമാക്കിയത്.
2021 ഒക്ടോബർ മുതൽ ലോകത്തെ ഏറ്റവും ഉയരം കൂടിയ വനിത എന്ന ഗിന്നസ് ലോക റെക്കോർഡിന് ഉടമയാണ് തുർക്കിയിലെ 24 കാരിയായ റുമമൈസ.
2.15 മീറ്റർ (7 അടി 0.7 ഇഞ്ച്) ആണ് ഇവരുടെ ഉയരം. അഭിഭാഷകയും ഗവേഷകയുമായ റുമൈസക്ക് ഉയരക്കൂടുതൽ കാരണം ഏറെദൂരം പരസഹായമില്ലാതെ നടക്കാൻ കഴിയില്ല. വീൽചെയറിന്റെ സഹായത്തിലാണ് ഇവരുടെ സഞ്ചാരം.