കൊല്‍ക്കത്ത: ലോക്ക്ഡൗണ്‍ നിയന്ത്രണങ്ങള്‍ കാറ്റില്‍പ്പറത്തി കുത്തിയിരിപ്പ് സമരം നടത്തിയ മൂന്ന് ബി.ജെ.പി എം.എല്‍.എമാരെ പൊലിസ് അറസ്റ്റു ചെയ്തു.

15 ദിവസത്തേക്ക് ബംഗാളില്‍ ഭാഗികമായ ലോക്ക്ഡൗണ്‍ ഏര്‍പ്പെടുത്തിയിരുന്നു. ഇതിന് പിന്നാലെയായിരുന്നു കൊവിഡ് വ്യാപനം രൂക്ഷമാകുന്നെന്നും ആരോഗ്യ പരിരക്ഷാ സൗകര്യങ്ങള്‍ ശക്തിപ്പെടുത്തണമെന്നും ആവശ്യപ്പെട്ട് നിയന്ത്രണങ്ങള്‍ മറികടന്ന് എം.എല്‍.എമാരായ ശങ്കര്‍ ഘോഷ്, ശിഖ ചാറ്റര്‍ജി, ആനന്ദമോയ് ബര്‍മന്‍ എന്നിവര്‍ കുത്തിയിരിപ്പ് സമരം നടത്തിയത്.

ഇതിനുപിന്നാലെ പൊലിസ് ഇവരെ അറസ്റ്റുചെയ്യുകയും പിന്നീട് വിട്ടയക്കുകയും ചെയ്തു.