കോഴിക്കോട്
ബി.ജെ.പി ദേശീയ അധ്യക്ഷൻ ജെ.പി നദ്ദയുമായി താമരശേരി ബിഷപ് മാർ റെമീജിയോസ് ഇഞ്ചനാനിയിൽ കൂടിക്കാഴ്ച നടത്തി. ഇന്നലെ വൈകീട്ട് നാലോടെ കോഴിക്കോട് കടവ് റിസോർട്ടിലായിരുന്നു കൂടിക്കാഴ്ച. ദേശീയ ന്യൂനപക്ഷ അധ്യക്ഷ പദവിയിലേക്ക് ക്രിസ്ത്യൻ വിഭാഗത്തിൽ നിന്നുള്ളവരെയും പരിഗണിക്കണമെന്ന ആവശ്യം ചർച്ചയിൽ അദ്ദേഹം ഉന്നയിച്ചു.
ഇതിനുപുറമെ വന്യജീവിശല്യവും ബഫർ സോൺ നിശ്ചയിച്ചതിലെ അപാകതയും മൂലം പൊറുതിമുട്ടുന്ന കർഷകരുടെ ആശങ്കകൾ ഉടൻ പരിഹരിക്കക്കണമെന്ന് ബിഷപ്പ് നദ്ദയോട് ആവശ്യപ്പെട്ടു. വിഷയത്തിൽ കേന്ദ്രസർക്കാർ സമീപകാലത്തായി എടുത്ത നിലപാട് ആശങ്കയുണ്ടാക്കുന്നതാണെന്നും ബിഷപ്പ് ചൂണ്ടിക്കാട്ടി.