HOME
DETAILS

കുഴല്‍പ്പണ വിവാദം ബി.ജെ.പിയില്‍ കെട്ടടങ്ങുന്നില്ല; വിമര്‍ശനം ഉന്നയിച്ച നേതാവിനെതിരേ വധഭീഷണി; പിന്നാലെ സസ്‌പെന്‍ഷനും

  
backup
May 31 2021 | 17:05 PM

in-thrissur-pipe-money-is-not-tied-up-death-threats-against-critical-leader-followed-by-suspension-1234567

തൃശൂര്‍: കൊടകര കുഴല്‍പ്പണ കേസിലെ കലാപം ബി.ജെ.പിയില്‍ ഇതുവരേ കെട്ടടങ്ങിയില്ല. കഴിഞ്ഞ ദിവസത്തെ കത്തിക്കുത്തിനുശേഷം വീണ്ടും കലഹം പൊട്ടിത്തെറിയിലെത്തിയിരിക്കുകയാണ്. കവര്‍ച്ച കേസില്‍ ആരോപണ വിധേയരായ ജില്ലാ നേതൃത്വത്തെ പിരിച്ചുവിടണമെന്ന് സമൂഹമാധ്യമത്തില്‍ വിമര്‍ശനം നടത്തിയ ന്യൂനപക്ഷ മോര്‍ച്ചാ നേതാവിനെ ഭീഷണിപ്പെടുത്തിയിരിക്കുകയാണ്. ബി.ജെ.പി ജില്ലാ ഭാരവാഹി തന്നെ ഇല്ലാതാക്കുമെന്ന് ഭീഷണിപ്പെടുത്തിയെന്ന് ആരോപിച്ച് ഋഷി പല്‍പ്പു തൃശൂര്‍ വെസ്റ്റ് പൊലിസില്‍ പരാതി നല്‍കിയിട്ടുണ്ട്. പിന്നാലെ ഇദ്ദേഹത്തെ പാര്‍ട്ടിയില്‍നിന്ന് സസ്‌പെന്‍ഡ് ചെയ്തതായി അറിയിപ്പും വന്നു.

ന്യൂനപക്ഷാ മോര്‍ച്ച സംസ്ഥാന വൈസ് പ്രസിഡന്റ് ഋഷി പല്‍പ്പുവിനെയാണ് സസ്‌പെന്‍ഡ് ചെയ്തത്. കുഴല്‍പ്പണ കേസിലും കത്തിക്കുത്ത് കേസിലും നാണംകെട്ട ബി.ജെ.പി ജില്ലാ കമ്മിറ്റി പിരിച്ചുവിടണമെന്ന് ഋഷി സമൂഹമാധ്യമത്തില്‍ കുറിപ്പിട്ടിരുന്നു. ഇതേ തുടര്‍ന്നായിരുന്നു വധഭീഷണി.

അതേസമയം, ഋഷി പല്‍പ്പുവിനെ ബി.ജെ.പിയില്‍നിന്ന് ആറുവര്‍ഷത്തേക്ക് പുറത്താക്കിയതായി സംസ്ഥാന പ്രസിഡന്റ് കെ. സുരേന്ദ്രന്‍ അറിയിച്ചു. ജില്ലാ പ്രസിഡന്റ് കെ.കെ അനീഷ് കുമാര്‍ സംസ്ഥാന നേതൃത്വത്തിന് നല്‍കിയ കത്തിനെ തുടര്‍ന്നാണ് നടപടി.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."