HOME
DETAILS

പൗരത്വ നിയമം: സുപ്രിംകോടതിയെ സമീപിക്കുമെന്ന് ഇ.ടി

  
backup
May 31 2021 | 23:05 PM

9854631263-2


മലപ്പുറം: കൊവിഡിന്റെ മറവില്‍ നിയമ വിരുദ്ധവും വഴിവിട്ടതുമായ നീക്കങ്ങളിലൂടെ പൗരത്വ നിയമം നടപ്പിലാക്കാന്‍ ശ്രമിക്കുന്ന കേന്ദ്ര സര്‍ക്കാര്‍ നടപടിക്കെതിരേ സുപ്രിംകോടതിയെ സമീപിക്കുമെന്ന് മുസ്‌ലിം ലീഗ് ദേശീയ ഓര്‍ഗനൈസിങ് സെക്രട്ടറി ഇ.ടി മുഹമ്മദ് ബഷീര്‍ എം.പി. സുപ്രിംകോടതിയില്‍ ലീഗ് നല്‍കിയിട്ടുള്ള കേസുകളോടൊപ്പം തന്നെ ഈ പ്രത്യേക സാഹചര്യത്തില്‍ വീണ്ടും സുപ്രീം കോടതിയെ സമീപിക്കാന്‍ നിയമ സംഘത്തിന് നിര്‍ദേശം നല്‍കിയിട്ടുണ്ട്.


ഇന്ത്യയിലാകെ ആളിപ്പടര്‍ന്ന പ്രക്ഷോഭങ്ങള്‍ കാരണം മരവിപ്പിച്ച് നിര്‍ത്തേണ്ടി വന്ന പൗരത്വ നിയമമാണിപ്പോള്‍ മഹാമാരിയുടെ മറവില്‍ കേന്ദ്രം പുറത്തെടുത്തത്. 2019 ല്‍ പാര്‍ലമെന്റ് പാസ്സാക്കിയ നിയമത്തിന്റെ ചട്ടങ്ങള്‍ പോലും കഴിഞ്ഞ 19 മാസമായിട്ടും നിര്‍മിക്കാനായിട്ടില്ല. മതത്തിന്റെ അടിസ്ഥാനത്തില്‍ ജനങ്ങളെ ഭിന്നിപ്പിക്കുന്ന സര്‍ക്കാരിന്റെ നടപടിയെ മുസ്‌ലിം ലീഗ് പാര്‍ലമെന്റിനുള്ളിലും പുറത്തും ശക്തമായി എതിര്‍ക്കുമെന്നും ഇ.ടി പറഞ്ഞു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."