കണ്ണൂര്‍: വീട് പൊളിക്കുന്നതിനിടെ ചുമര് തകര്‍ന്ന് വീണ് രണ്ട് കുട്ടികള്‍ക്ക് ഗുരുതര പരുക്ക്. തളിപ്പറമ്പ് സ്വദേശി അറഫാത്തിന്റെ മകന്‍ ആദില്‍ (10) ബന്ധു ജസ ഫാത്തിമ (9) എന്നിവരെ ഗുരുതര പരുക്കുകളോടെ  പരിയാരം ഗവ മെഡിക്കല്‍ കോളജില്‍ പ്രവേശിപ്പിച്ചു. ഒരു കുട്ടിയുടെ നില അതീവ ഗുരുതരമാണ്.

തളിപ്പറമ്പ് തിരുവട്ടൂര്‍ അംഗണവാടി റോഡിലെ അറഫാത്തിന്റെ വീടിന്റെ ചുവരാണ് തകര്‍ന്നത്. ഇന്ന് രാവിലെയാണ് സംഭവം. പഴയ വീടിന്റെ ചുമര് പൊളിച്ച് മാറ്റുകയായിരുന്നു. ചുമരിന്റെ മറുവശത്താണ് കുട്ടികള്‍ നിന്നിരുന്നത്. ഇത് ചുമരുപൊളിക്കുന്നവരുടെ ശ്രദ്ധയില്‍ പെട്ടിരുന്നില്ല.