കോഴിക്കോട്: പ്രവാചകന്റെ വ്യക്തി ജീവിതത്തെ തെറ്റായി വ്യാഖ്യാനിച്ച് തിരു ജീവിതത്തെത്തെ അധിക്ഷേപിക്കുകയും പരിഹസിക്കുകയും ചെയ്ത് പ്രവാചകനിന്ദ നടത്തിയ സംഘ് പരിവാര്‍ പ്രവണതക്കെതിരെ സുന്നി യുവജന സംഘം കോഴിക്കോട് ജില്ലാ കമ്മിറ്റിയുടെ ആഭിമുഖ്യത്തില്‍ കോഴിക്കോട്ട് പ്രതിഷേധം അലയടിച്ചു. ചരിത്രത്തെ ദുര്‍വ്യാഖ്യാനം ചെയ്ത് മഹാത്മാക്കളെ വ്യക്തിഹത്യ നടത്തുന്ന പ്രവണത തടയാന്‍ കേവലം പാര്‍ട്ടി നടപടിയില്‍ ഒതുക്കാതെ നിയമനടപടിക്ക് വിധേയമാക്കണമെന്ന് പ്രതിഷേധ സംഗമം ആവശ്യപ്പെട്ടു.

ലോകരാജ്യങ്ങളുടെ മുമ്പില്‍ ഇന്ത്യയെ ഒറ്റപ്പെടുത്തുന്ന ഇത്തരം പ്രവണതയെ സംരക്ഷിക്കുന്ന കേന്ദ്ര ഭരണകൂടം തന്നെ നമുക്ക് അപമാനമാകുകയാണെന്ന് പ്രതിഷേധക്കാര്‍ പറഞ്ഞു.സംസ്ഥാന ട്രഷറര്‍ എ.എം.പരീത് സാഹിബ് സംഗമം ഉല്‍ഘാടനം ചെയ്തു. സംസ്ഥാന സെക്രട്ടറി കെ.മോയിന്‍കുട്ടി മാസ്റ്റര്‍ അധ്യക്ഷത വഹിച്ചു. ജില്ലാ ജന.സെക്രട്ടറി നാസര്‍ ഫൈസി കൂടത്തായി സ്വാഗതം പറഞ്ഞു.കെ.പി.സി.സി.സെക്രട്ടറി കെ.പി.ബാബു,മുസ്തഫ മുണ്ടുപാറ, റഷീദ് ഫൈസി വെള്ളായിക്കോട്, സയ്യിദ് യൂസുഫ് തങ്ങള്‍ കൊയിലാണ്ടി, സയ്യിദ് നജ്മുദ്ധീന്‍ പൂക്കോയ തങ്ങള്‍, ഡോ. അബ്ദുലതീഫ് നദ് വി, പി.ഹസൈനാര്‍ ഫൈസി പ്രസംഗിച്ചു.വര്‍ക്കിങ് സെക്രട്ടറി ഹിഫ്‌സുറഹ്മാന്‍ പരുത്തിപ്പാറ നന്ദിയും പറഞ്ഞു.