ഇടുക്കി: ചിന്നക്കനാലിൽ നിന്ന് മയക്കുവെടിവെച്ച് പിടികൂടിയ അരികൊമ്പൻ ആനയെ കുമളിയിൽ എത്തിച്ചു. പെരിയാർ വന്യജീവി സങ്കേതമായ ഇവിടെ നിന്നും 22 കിലോമീറ്റർ ദൂരെയാണ് ആനയെ തുറന്നുവിടുക. ആനയെ കൊണ്ടുവരുന്നതിനായി കുമളിയിൽ വൈദ്യുതി ബന്ധം വിശ്ചേദിച്ചു. നിരോധനാജ്ഞയും പ്രഖ്യാപിച്ചിട്ടുണ്ട്.

കുമളി പഞ്ചായത്തിൽ ഞായറാഴ്ച രാവിലെ 7 വരെയാണ് നിരോധനാ‍ജ്ഞ പ്രഖ്യാപിച്ചത്. തേക്കടി മംഗളാദേവി ക്ഷേത്രത്തിലേക്കുള്ള ഗേറ്റിലൂടെയാണ് കൊമ്പനെ കൊണ്ടുപോയത്. ഇവിടെ പൂജയും ഒരുക്കിയിരുന്നു. പൂജ ചെയ്താണ് ആനയെ വനംവകുപ്പ് വന്യജീവി സങ്കേതത്തിലേക്ക് സ്വീകരിച്ചത്.

അഞ്ച് മയക്കുവെടി വച്ചാണ് അരിക്കൊമ്പനെ കീഴടക്കിയത്. മണിക്കൂറുകൾ നീണ്ട പ്രതിരോധത്തിനൊടുവിലാണ് കൊമ്പൻ ഒതുങ്ങിയത്.