തിരുവനന്തപുരം: സോഷ്യല്‍ മീഡിയ വഴി പ്രതിപക്ഷ നേതാവ് വി.ഡി സതീശനു നേരെ വധഭീഷണി മുഴക്കിയതിനെതിരെ പ്രതിപക്ഷ നേതാവിന്റെ ഓഫീസ് ഡി.ജി.പിക്ക് പരാതി നല്‍കി. സിനി ജോയ്, സിറാജ് നരിക്കുനി, സഖാവ് കേരള എന്നീ പ്രൊഫൈലുകളില്‍ നിന്നാണ് വധഭീഷണി കമന്റ് വന്നത്. 'സതീശന്റെ ഭാര്യ പരവൂരില്‍ യു.ഡി.എഫ് സ്ഥാനാര്‍ഥിയായി മത്സരിക്കും.

ഇത് സഖാക്കളുടെ വാക്കാണ്', ആറു മാസത്തിനകം നിന്റെ ഭാര്യ പറവൂര്‍ മണ്ഡലത്തില്‍ യു.ഡി.എഫ് സ്ഥാനാര്‍ഥിയായി മത്സരിക്കേണ്ടിവരും' തുടങ്ങി കമന്റുകള്‍ക്കെതിരേയാണ് പരാതി. പ്രതിപക്ഷ നേതാവിന്റെ പ്രൈവറ്റ് സെക്രട്ടറി കെ.അനില്‍കുമാറാണ് ഡി.ജി.പിക്ക് പരാതി നല്‍കിയത്. വിഷയത്തില്‍ അന്വേഷണം നടത്തി പ്രതികള്‍ക്കെതിരെ ഉചിതമായ നടപടി സ്വീകരിക്കണമെന്ന് പരാതിയില്‍ ആവശ്യപ്പെട്ടു.