മല്ലികാര്‍ജുന്‍ ഖാര്‍ഗെയേയും കുടുംബത്തേയും വധിക്കാന്‍ ബി.ജെ.പി പദ്ധതിയിട്ടു

ബംഗളൂരു:കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖര്‍ഗെയെയും കുടുംബത്തെയും വധിക്കാന്‍ ബിജെപി ശ്രമിച്ചെന്ന ഗുരുതര ആരോപണവുമായി കോണ്‍ഗ്രസ്. കര്‍ണാടക നിയമസഭ തെരഞ്ഞെടുപ്പിന് ദിവസങ്ങള്‍ മാത്രം ബാക്കി നില്‍ക്കെയാണ് ബിജെപിക്കെതിരെ ഗുരുതര ആരോപണവുമായി കോണ്‍ഗ്രസ് രംഗത്തെത്തിയിരിക്കുന്നത്. ചിത്താപൂരിലെ ബിജെപി സ്ഥാനാര്‍ഥി മണികാന്ത് റാത്തോഡിന്റെ ശബ്ദ രേഖ ഇതിന് തെളിവായി കോണ്‍ഗ്രസ് പുറത്ത് വിട്ടു.

ഖാര്‍ഗെയെയും കുടുംബത്തെയും ഇല്ലാതാക്കുമെന്നാണ് ശബ്ദസന്ദേശത്തില്‍ പറയുന്നത്. പ്രധാനമന്ത്രി നരേന്ദ്രമോദി മെഗാ റോഡ്‌ഷോ നടത്തുന്ന ബെംഗളൂരുവില്‍ നടത്തിയ വാര്‍ത്താ സമ്മേളനത്തിനിടെയാണ്, ചിത്താപൂര്‍ നിയമസഭാ മണ്ഡലത്തിലെ ബിജെപി സ്ഥാനാര്‍ത്ഥി മണികാന്ത് റാത്തോഡിന്റെ ശബ്ദരേഖ കോണ്‍ഗ്രസ് നേതാവ് രണ്‍ദീപ് സിങ് സുര്‍ജേവാല പുറത്തുവിട്ടത്.