ചെന്നൈ: തമിഴ്‌നാട്ടിലെ ക്ഷേത്രങ്ങളില്‍ വനിതകളെ പൂജാരികളായി നിയമിക്കാന്‍ സര്‍ക്കാര്‍. താല്‍പര്യമുള്ള വനിതകള്‍ക്ക് പരിശീലനം നല്‍കുമെന്ന് ഹിന്ദു മത, ദാന ധര്‍മവിനിയോഗ മന്ത്രി പി.കെ ശേഖര്‍ ബാബു അറിയിച്ചു.

പൂജാരിമാരുടെ ഒഴിവുള്ള ക്ഷേത്രങ്ങളില്‍ സ്ത്രീകളെ നിയമിക്കും. എല്ലാ ഹിന്ദുക്കള്‍ക്കും ക്ഷേത്രങ്ങളില്‍ പൂജാരിമാരാകാം. താല്‍പര്യമുള്ള സ്ത്രീകള്‍ക്കുമാകാം.
മുഖ്യമന്ത്രിയുടെ അനുമതി കിട്ടിയ ശേഷമായിരിക്കും ഇക്കാര്യം നടപ്പാക്കുകയെന്നും മന്ത്രി പറഞ്ഞു.
മാധ്യമപ്രവര്‍ത്തകരോട് സംസാരിക്കവെയാണ് മന്ത്രി ഇക്കാര്യം വ്യക്തമാക്കിയത്. എല്ലാ ജാതിയിലുംപെട്ടവരെ മുഖ്യപുരോഹിതരായി നിയമിക്കുമെന്ന് നേരത്തെ മന്ത്രി വ്യക്തമാക്കിയിരുന്നു.
ഇതിന് പിന്നാലെയാണ് സ്ത്രീകളെയും നിയമിക്കാന്‍ തയാറാണെന്ന പ്രഖ്യാപനം നടത്തിയിരിക്കുന്നത്. ഹിന്ദു മത, ദാന ധര്‍മവിനിയോഗ വകുപ്പിന് കീഴിലുള്ള ക്ഷേത്രങ്ങള്‍ പൂജാരികളായി ബ്രാഹ്മണരെ മാത്രം നിയമിക്കുന്ന നടപടി സ്വീകരിക്കില്ലെന്നും മന്ത്രി പറഞ്ഞു.