കോഴിക്കോട്: വളാഞ്ചേരി മർകസിൽ വെച്ചു സമസ്ത കേരള ജംഇയ്യത്തുൽ ഉലമാ ഉസ്താദുമാരെ വഴി തടഞ്ഞത് ഞെട്ടിക്കുന്നതാണെന്ന് സമസ്ത എംപ്ളോയീസ് അസോസിയേഷൻ (എസ്. ഇ.എ) സംസ്ഥാന പ്രസിഡണ്ട് മുസ്തഫ മുണ്ടുപാറയും ജനറൽ സെക്രട്ടറി ഡോ. ബഷീർ പനങ്ങാങ്ങരയും പ്രസ്താവനയിൽ പറഞ്ഞു. മതവിദ്യാഭ്യാഭ്യാസ മേഖലയിൽ നിന്ന് ഒരിക്കലും ഉണ്ടാവാൻ പാടില്ലാത്തതാണ് വളാഞ്ചേരിയിൽ കണ്ടത്. ലോകത്തിലെ ഇസ്ലാമിക സമൂഹത്തിന് എക്കാലവും മാതൃകയാവുന്ന വിധത്തിൽ സമസ്ത സംവിധാനിച്ച മതവിദ്യാഭ്യാസ ചരിത്രത്തിലെ കറുത്ത സംഭവമാണിത്. ഇതിനു പിന്നിൽ പ്രവർത്തിച്ചവരെ സമുദായം തിരിച്ചറിയുമെന്ന് അവർ പറഞ്ഞു.