കൊച്ചി: രാജ്യദ്രോഹക്കേസില്‍ സംവിധായിക ഐഷ സുല്‍ത്താനയുടെ മുന്‍കൂര്‍ ജാമ്യഹരജി പരിഗണിക്കുന്നത് മാറ്റി. ഐഷയയുടെ ആവശ്യപ്രകാരമാണ് കേസ് വ്യാഴാഴ്ചത്തേക്ക് മാറ്റിയത്. കേസില്‍ റിപ്പോര്‍ട്ട് നല്‍കാന്‍ പൊലിസിനോട് കോടതി ആവശ്യപ്പെട്ടിട്ടുണ്ട്.

രാജ്യദ്രോഹക്കേസ് നിയമപരമായി നിലനില്‍ക്കില്ല അതിനാല്‍ മുന്‍കൂര്‍ ജാമ്യം നല്‍കണമെന്നായിരുന്നു ഐഷയുടെ വാദം. ഹരജി പരിഗണിക്കവെ ഹരജിക്കാരി തന്നെയാണ് കേസ് വ്യാഴാഴ്ചത്തേക്ക് മാറ്റണം എന്ന് ആവശ്യപ്പെട്ടത്. ഞായറാഴ്ച നേരിട്ട് ഹാജരാകണമെന്നാവശ്യപ്പെട്ട് കവരത്തി പൊലിസ് തനിക്ക് നോട്ടീസ് നല്‍കിയതായും ഐഷ കോടതിയെ അറിയിച്ചു.

അതേസമയം, ബി.ജെ.പി ദ്വീപ് പ്രസിഡന്റും കേസില്‍ കക്ഷി ചേരണമെന്ന് ആവശ്യപ്പെട്ട് കോടതിയെ സമീപിച്ചിട്ടുണ്ട്. ഇക്കാര്യത്തില്‍ വ്യാഴാഴ്ചയായിരിക്കും കോടതി തീരുമാനമെടുക്കുക.

ചാനല്‍ ചര്‍ച്ചക്കിടെ നടത്തിയ പരാമര്‍ശത്തിന്മേല്‍ രാജ്യദ്രോഹകുറ്റം ചുമത്തിയതിനെതിരെയാണ് ഐഷ തേടി ഹൈകോടതിയെ സമീപിച്ചത്.