വയനാട്: രാഹുല്‍ഗാന്ധി എം.പിയുടെ ഓഫിസ് ആക്രമിച്ചതിനെത്തുടര്‍ന്നുണ്ടായ സംഘര്‍ഷത്തില്‍ പൊലിസിനെ കൈയേറ്റം ചെയ്ത ടി. സിദ്ദീഖിന്റെ ഗണ്‍മാന്‍ കെ.വി സ്മിബിനെ സസ്പെന്‍ഡ് ചെയ്തു.

കല്‍പ്പറ്റയില്‍ നടന്ന കോണ്‍ഗ്രസ് പ്രതിഷേധത്തിനിടെ സ്മിബിന്‍ പൊലീസിനെ കയ്യേറ്റം ചെയ്തിരുന്നു. ഇതിനെ തുടര്‍ന്നാണ് നടപടി. കോണ്‍ഗ്രസ് നേതാവ് രാഹുല്‍ ഗാന്ധിയുടെ വയനാട്ടിലെ എംപി ഓഫീസ് ആക്രമിച്ചതിനെ തുടര്‍ന്നാണ് കല്‍പ്പറ്റയില്‍ കോണ്‍ഗ്രസ് പ്രതിഷേധിച്ചിരുന്നത്. പ്രതിഷേധത്തിനിടെ യൂത്ത് കോണ്‍ഗ്രസ്- എസ്എഫ്ഐ പ്രവര്‍ത്തകര്‍ തമ്മില്‍ സംഘര്‍ഷമുണ്ടായിരുന്നു.

ഇതിനിടയില്‍ മഫ്തിയിലെത്തിയ ഗണ്‍മാന്‍ സ്മിബിനും ഇടപെട്ടിരുന്നു.എം.പി ഓഫിസ് ആക്രമിച്ച കേസില്‍ അഞ്ച് എസ്.എഫ്.ഐ പ്രവര്‍ത്തകര്‍ കൂടി ഇന്നലെ പിടിയിലായിരുന്നു. ഇതോടെ കേസില്‍ ആകെ 30 എസ്എഫ്ഐ പ്രവര്‍ത്തകരാണ് അറസ്റ്റിലായിരിക്കുന്നത്.