ന്യുഡല്‍ഹി: അടിയന്തരാവസ്ഥ ഇന്ത്യയുടെ ഊര്‍ജ്ജസ്വലമായ ജനാധിപത്യത്തിലെ കറുത്ത പൊട്ടാണെന്ന് പ്രധാനമന്ത്രി നരേന്ദ്ര മോദി. ജര്‍മനിയിലെ ഓഡി ഡോം ഇന്‍ഡോര്‍ അരീനയില്‍ നടന്ന പരിപാടിയില്‍ ഇന്ത്യന്‍ പ്രവാസികളെ അഭിസംബോധന ചെയ്ത്് സംസാരിക്കുകയായിരുന്നു അദ്ദേഹം.

ജനാധിപത്യം ഓരോ ഇന്ത്യക്കാരന്റെയും ഡി.എന്‍.എയില്‍ അലിഞ്ഞിരിക്കുകയാണെന്നും മോദി പറഞ്ഞു. സംസ്‌കാരം, ഭക്ഷണം, വസ്ത്രം, പാരമ്പര്യം വൈവിധ്യം എന്നിവയുടെ വൈവിധ്യം നമ്മുടെ ജനാധിപത്യത്തെ ഊര്‍ജസ്വലമാക്കുന്നു. 

നാല്‍പ്പത്തിയേഴ് വര്‍ഷം മുമ്പ്, ആ ജനാധിപത്യത്തെ ബന്ദിയാക്കാനും അതിനെ തകര്‍ക്കാനുമുള്ള ശ്രമം നടന്നിരുന്നു. അടിയന്തരാവസ്ഥ ഇന്ത്യയുടെ ഊര്‍ജ്ജസ്വലമായ ജനാധിപത്യത്തിലെ കറുത്ത അധ്യായമാണെന്ന് ജി 7 ഉച്ചകോടിയില്‍ പങ്കെടുക്കാന്‍ ജര്‍മനി സന്ദര്‍ശിക്കുന്ന മോദി പറഞ്ഞു.