തിരുവനന്തപുരം: തിരുവനന്തപുരം പള്ളിപ്പുറത്ത് വാഹനാപകടത്തിൽ മൂന്നു പേർ മരിച്ചു. കെ.എസ്.ആർ.ടി.സി ബസ്സും ഓട്ടോയും കൂട്ടിയിടിച്ചാണ് അപകടം. നാല് ദിവസം പ്രായമായ നവജാത ശിശു ഉൾപ്പെടെ മൂന്ന് പേരാണ് അപകടത്തിൽ മരിച്ചത്. നവജാത ശിശുവും അമ്മൂമ്മ ശോഭയും ഓട്ടോ ഡ്രൈവർ സുനിലുമാണ് മരിച്ചത്.

പ്രസവാനന്തരം തിരുവനന്തപുരം മെഡിക്കൽ കോളേജിൽ നിന്ന് വീട്ടിലേക്ക് പോകുമ്പോഴാണ് അപകടം. കുഞ്ഞിന്‍റെ അമ്മ അനു, അച്ഛൻ മഹേഷ്, ഇവരുടെ മറ്റൊരു കുട്ടി എന്നിവർ പരിക്കേറ്റ് ചികിത്സയിലാണെന്നാണ് വിവരം. ഇവർ മണമ്പൂർ സ്വദേശികളാണെന്നാണ് വിവരം.