തലശ്ശേരി: രമ്യ വധക്കേസില്‍ മാതാവ് പത്മാവതി, അയല്‍വാസി സതീശന്‍ എന്നിവരെ തലശ്ശേരിഅഡീഷണല്‍ സെഷന്‍സ് കോടതി ഇന്നലെ വിസ്തരിച്ചു. 2010 ജനുവരി 22നാണ് കാട്ടാമ്പള്ളിയിലെ രവീന്ദ്രന്റെ മകള്‍ രമ്യ(26)യെ പയ്യന്നൂരിലെ ലോഡ്ജില്‍ തൂങ്ങി മരിച്ച നിലയില്‍ കണ്ടെത്തിയത്. പ്രതിയായ ഭര്‍ത്താവ് ഷമ്മികുമാര്‍ രമ്യയെ നിര്‍ബന്ധിച്ച് മദ്യം കുടിപ്പിക്കാറുണ്ടെന്ന് രമ്യ പറഞ്ഞതായി പത്മാവതി കോടതിയില്‍ മൊഴി നല്‍കി. അയല്‍വാസിയായ സതീശനും രമ്യയെ ഷമ്മികുമാര്‍ പീഡിപ്പിക്കുന്ന കാര്യങ്ങള്‍ അറിയാമെന്ന് മൊഴി നല്‍കി.