ദുബൈ: കെ.എം.സി.സി. ഈദ് മെഗാ പരിപാടിയായ ഇഷ്‌കെ ഇമാറാത്ത് ജൂലൈ 12ന് നടക്കും. അല്‍ നാസര്‍ ലെഷര്‍ ലാന്‍ഡിലാണ് പരിപാടി.സാഹിത്യ പുരസ്‌കാര സമര്‍പ്പണം, സാംസ്‌കാരിക സമ്മേളനം, സര്‍ഗധാര കലാകാരന്മാരുടെ പരിപാടികള്‍, ഗാനവിരുന്ന്, പ്രമുഖ വ്യക്തിത്വങ്ങളെ ആദരിക്കല്‍ തുടങ്ങി വിവിധ പരിപാടികളാണ് ഇതോടനുബന്ധിച്ച് നടക്കുക. പി.സുരേന്ദ്രന് ദുബൈ കെ.എം.സി.സിയുടെ രണ്ടാമത് സാഹിത്യപുരസ്‌കാര സമര്‍പ്പണം നടത്തും. യു.എ.യുടെ അമ്പതാം വാര്‍ഷിക പാശ്ചാത്തലത്തിലാണ് ഇഷ്‌കെ ഇമാറാത്ത് സംഘടിപ്പിക്കുന്നത്.